Fine Art Asia前晚在會展舉行開幕酒會，溫碧霞即場示範過億元珠寶，她說：「淨係呢隻12卡粉紅鑽戒指值8千萬，我都有粉紅鑽，細細粒，得閒咪戴吓，冇乜壓力，唔會叫老公買咁貴嘅珠寶。」她透露近期拍攝黑社會為主題的電影，片中演幫派大家姐，她說：「拍完一場入會儀式嘅戲，夜晚就發惡夢，又瞓唔着，因為太震撼同真實喇！」
同場方力申專程由上海返港，為爸爸看檔。場內放滿裸女雕像及畫作，方力申表示由細睇到大：「好細個就摸呢啲nude嘅裸體像，見慣晒，我有時喺內地做嘢，都會幫爹哋手提啲藝術品返香港，慳番啲運費。」05年開始收藏藝術品的方力申又說：「家有超過100件，我冇錢，只有畫。」
採訪：林嘉慈
攝影：仇志德