【本報訊】黃金周已過了三分二，業界預料很可能是04年擴大自由行以來，表現最差的黃金周。零售管理協會主席麥瑞琼形容，最後銷售數字「就算唔跌」，都不可能有大增長：「最多只會升6%至8%。」她更警告，香港零售業有機會要整固，「硬着陸定軟着陸？唔敢講。」根據入境處公佈的數據，由9月29日至10月3日這五日期間，內地旅客入境數目累計為60萬左右，較早前旅遊業界估計接近100萬的目標，亦有很大段距離。麥瑞琼表示，有百貨公司、名牌衫零售商在黃金周的首3日，銷售是按年錄得倒退，連餐飲業都指生意比想像中要差。
「連中價貨都賣少咗」
她認為，主因是內地客消費力急速下滑，以及更多人轉移至周邊地區旅遊。「冇咗一個內地客買50萬一隻嘅錶，要賣幾多嘢先補得番條數？你見8月內地旅客數目升28%，但零售增長只得4.5%，你睇到個消費力，係跌得令人心驚。」麥瑞琼指已有化妝品零售商要「賣埋紅酒」自救，電器舖就要賣手錶：「你可以話個現象係有趣，亦可以話零售商都已經自亂陣腳，生意唔夠撐，珠寶手錶連中價貨都開始賣少咗。過去大家掛住搵快錢，太依賴遊客，忽略了租金、人工成本都貴嘅問題。What goes up must come down，市場要整固，會唔會有好多零售商捱唔住，我諗過多一、兩個月就會睇到。」服裝品牌Bauhaus（483）財務總監李建昌表示，在加大推廣及減價力度催谷之下，黃金周銷售總算維持到增長：「是比較低的單位數字升幅，但市況真係比想像中仲要弱，其他行家新貨都開始做減價，清定貨先，我哋都減緊明年春夏季的定單，做好個現金流比較緊要。」六福（590）財務總監羅添福亦預計，黃金周銷售只會有單位數增長，主因是去年基數及大額消費減少。