胡渭康將於下月3日於九展Star Hall舉行首個個人音樂會，他昨日於上環舉行記招。早前胡渭康被雜誌影到與now主播劉振宇（阿水）買餸，以及一杯飲品兩份飲，阿水昨日更擔任記者會主持。事後兩男不避嫌合照，胡渭康笑言：「佢家多咗個名叫胡太，其實呢個年代都冇乜所謂，但問題係我同佢唔係呀！只係佢上嚟我屋企食飯，好多朋友都會上嚟。」胡渭康表明自己到這年紀不想拍拖：「我唔係要一段關係，我係要搵個伴，伴可以有好多，有男有女，呢啲唔係花心。」在旁的阿水竟說：「咁我係咪要呷醋呀？不過我一直都好欣賞你，你咁嘅年紀keep得咁好，高大有型，係我學習對象。」而陪同林建名到場的何傲兒，被要求合照時表現尷尬。採訪、攝影：李珮洳