【本報訊】《蘋果》早前報道居於柴灣工廠大廈逾半世紀的紙燈廠東主湯國昌，因政府收回工廈改建成180個公屋單位而頓失居所。聲稱擁有徙置資格的他，不滿房署拒絕編配公屋。多番「上訴」失敗，他仍死守單位，打算「以死抗爭」，直至周三（3日）最後限期的早上，房署終帶來喜訊，「佢叫我揀公屋！」
前日早上9時，房屋署派員將柴灣工廠大廈幾個主要出入口封閉，並貼出通告指「房委會已於2012年10月1日收回柴灣工廈，各通道現已封閉」。惟獨住在4樓的湯伯生活如昔，施施然在預備午飯。
抗爭多時致精神差
「我唔走，我惟有打999報警同搵你哋，冇其他辦法。」湯伯表示，社會福利署早前安排他入住臨時收容所，但遭他拒絕，「係床位，唔係屋」。之後房署職員找他交出大堆個人資料，包括銀行存摺、工廈租約等等，還到其妹妹位於華富邨的住所搜查「徙置資格」的證據。「我喺柴灣邨17座徙置單位住嘅資料，政府一定有，點解要搞我屋企人！」
這段跟政府抗爭的日子，湯伯坦言：「日日寫狀書，又要搵資料，瞓唔着，精神好差。」說罷他又再埋首案頭，希望盡最後努力爭取上樓。至11時，房署職員黎小姐拿着通告帶來喜訊，「佢話你家可以揀公屋，問我想住邊區，又話俾我喺度住埋呢個月」。湯伯喜孜孜說終於可以鬆一口氣。