自iPhone 5推出，無論你是否果迷，都梗會停一停、睇一睇這智能手機有幾勁。不過，最近手機場有一股「反智」風，有多款純電話功能的手機推出，功能雖然單一，但勝在$499有交易，仲有唔少款式選擇，外形Cutie，即使小朋友，都話易用！
記者：許福合
攝影：伍慶泉
模特兒：Celine@PureModels
2G備用三日
早前新聞說有種病叫「手機焦慮症」，即手機一旦離開身邊，就心難安。這款Card-Tec手機，既無觸控屏幕，又無鏡頭，更加無得上網同玩facebook，一齊回歸基本步，只能講電話同收發SMS，想中毒都幾難！既然無數據功能，那些4G、3G自然用不着，所以只支援2G網絡，但是畀小朋友、大朋友，又或當後備手機，通話費用都可降到最低。功能無咁多花臣，電量支出自然都減低，可經USB叉電，只須快叉半小時，就可待機三日，連續通話亦可長達1.5小時。
外形似計數機
基本上見過這款Card-Tec手機的人，都會問：「這真是手機？」外形酷似計數機，大小同八達通差不多，只有35g，輕飄飄，更只有6.3mm的厚度，的確與現時智能手機不同。貌似脫節，雖然無得打機影相，但Card-Tec手機仍提供鬧鐘、計算機、日曆等基本功能。機身勝在外形可愛，多色多款，有實色及透明機殼，亦有幾種主題機身，如動物、森林等，按主題會配搭趣致可愛的鈴聲。筆者試用橙色的貓貓主題機，開關時會響起上下課鐘聲，1.2吋單色屏幕上，仲會有小貓仔出現。
Profile
網絡：GSM 850/900/1800/1900
體積：85.5×55×6.3mm
重量：35g
$138多啦A夢手機
多啦A夢又來了，仲變成陪住你的手機！這款多啦A夢雖然無百寶袋變出好多玩法，但除了打出打入通話外，亦可收發SMS。機身採用摺機設計，打開後有1.4吋LCD屏幕，更設640×480HD鏡頭，能影相及拍片，亦可以MP3作鈴聲。除多啦A夢外亦有另一款功能相同的賤兔手機，同樣賣$138，抵玩！
查詢：a.ECT（3188 0767）、b.囍（2394 0077）
