澳洲男星廉安咸士禾夫（Liam Hemsworth），最近幫代言嘅服裝品牌Bench拍咗輯宣傳相，驚見佢同一隻雄獅近在咫尺，唔只冇被嚇親，呢位森林之王仲頭耷耷唔敢作惡，好似怕咗廉安手上條鞭咁。轉個頭廉安攤喺地下懶有型擺甫，隻獅子依然好似貓仔咁聽話，就算型男雙手插袋都冇亂郁，唔通佢大佬基斯做過雷神，弟憑兄貴，就連龍虎豹蛇貓狗都食得住？真係威喎。
