意國品牌Bottega Veneta秋冬季延續高貴華麗之餘，同時不失和諧。貼身設計強調女性修長輪廓，示範的顧婭琪就大嘆BV的設計很體貼，秋冬季又大玩質料拼合，打造立體感覺，繼續低調地呈現品牌的瑰麗。
BV從來注重用料，羊毛、天鵝絨、珠片、釘珠及金屬線等，拼合出不同質地的texture，打造立體效果，是各大品牌最愛把玩的小魔法，顧婭琪就說：「平日我都鍾意拼貼設計，睇落去好有立體感，拼貼嘅地方可以修飾身形，而且BV嘅用料向來都係精挑細選，睇上去有種貴族感覺。」
秋冬用色上，以最貼近冬天的暗色如黑、酒紅、深藍、電氣石藍、森林綠色，配莓紅、紫、鴨綠和深橙等較亮麗的色彩，感覺和諧同時秋意濃，間中滲入格紋及花卉圖案帶來活潑感。
BV的奢華瑰麗向來都低調地呈現，今個秋冬以隨意和精準的概念，以窄肩、修腰和稍寬的臀線，設計出強調線條美的貼身女裝。示範的顧婭琪擁有高䠷身形，修長貼身的設計正好凸顯其長處，她說：「BV嘅設計真係好體貼，最欣賞喺簡單平實剪裁中，散發出嚟嘅高貴氣質。呢系列服飾華麗但唔誇張，走喺大街上，好自然就會成為焦點。」
復古把戲
BV秋冬配飾，經典織紋當然少不了，在皮革上加入金屬、絲絨及復古棉線飾花，為knot、clutch及手袋帶來新驚喜元素。飾物繼續偏向巨型、浮誇，以復古純銀配圓珠和窩釘，有些更刻意製造成raw的感覺， 與rock味平衡品牌的華麗感，別具型格個性。採訪：盧妹攝影：陳志嵐示範：Masha Gu of Style化妝：Eleena Yu髮型：Elvis Choi of Hair Corner
