【黎基變之無名份的浪漫】黎明和樂基兒的四年婚姻最終玩完，不少人為之惋惜，身為黎明契爺的胡楓，聽得消息感到震驚，無奈表示緣盡自然挽救不來；而黎明舊拍檔陳松伶都感到可惜，她認為任何事總有解決方法，望黎明樂基兒最終無事。
黎明契爺胡楓（修哥）今年4月在紅館舉行「楓修80巨星演唱會2012」時，黎明亦有上台合唱一曲，估不到相隔不到半年，昨日黎明與樂基兒發聲明宣佈離婚，記者昨致電修哥提到此消息，他顯得有點愕然，坦言對契仔離婚一事並不知情，修哥說：「我唔知㗎，一直冇問，凡係契仔契女嘅感情事，我一直冇過問。如果佢哋成功，我會戥佢哋開心，如果有啲唔如意，我個心會唔舒服。家聽到你咁講，我都幾震驚吓，真係好可惜，美麗時光應該保留落去。」
契爺怕講錯說話
修哥謂暫時不會致電黎明慰問，因現階段不欲騷擾契仔，免多說話令契仔不開心，或者稍後才找個方法開解。至於修哥與太太多年來恩愛如昔，是如何維繫婚姻？修哥說：「緣盡，後生又好年紀大都好，都係挽救唔到，婚姻係要大家容忍、互相遷就。」
松松盼成熟處理
89年與黎明合作過無綫劇集《天涯歌女》的陳松伶，昨日在西貢為即將推出的新唱片進行拍攝工作，被問到舊拍檔的離婚消息，松松坦言甚少看香港娛樂新聞，故不知消息，她說：「如果係真，我唔想有咁嘅事發生，我思想好似小朋友咁，唔鍾意父母分開，任何人分手消息都唔開心，更何況係結咗婚，我認為任何事都可以解決，希望冇事啦。」原來松松自上次合作後，跟黎明沒有聯絡，但相信黎明可成熟處理。
採訪：戴彩煥、魯萍 攝影：林德雄
