羅仲謙和黃智雯昨日在尖沙嘴出席手錶活動，對於早前謙仔跟楊怡的車廂親熱事件記者會，謙仔說：「只係將真實嘅嘢話畀大家聽，話質疑都冇辦法。」他指當時仍未食車仔麪，被問為何嘔落去，但條褲卻好乾淨？他說：「碗麪有膠袋。」
再被追問謙仔為何不嘔落膠袋內？謙仔說：「意思係膠袋入面有碗麪，就咁嘔落去。當時影唔到碗麪，係因為架車有深度，唔係高炒（攝影角度）。」最近有傳謙仔出言滋擾新人蔚雨芯和黃子菲，他否認口花花，可擔心影響形象？他說：「唔會諗太多，只會令自己唔開心。」
余思敏爆囡囡攬仔
此外，黃智雯被指為撐好姊妹胡杏兒，與黃宗澤拍劇沒有交流，她說：「有傾偈，做嘢公私分明。」身為司儀的余思敏則否認替女兒報讀四萬元的playgroup，她說：「係幾千蚊，個女攬住男同學仔，佢爹哋（鄭中基）即刻好緊張。」
採訪：溫敏芝
攝影：林德雄