有報道指新城DJ香蕉俱樂部嘅阿Ben(杜浚斌、左圖)早前喺東莞攬妹爆房,噚日唔見Ben返黃埔新城電台開咪,佢同事路芙就被問到呢件事,佢話同Ben未合作過,只喺公司嘅MC工作先見到面,同佢唔算熟,反而同佢另一個隊友Bob熟啲。路芙話真係唔知呢件事,但都聽講過佢好似會上去傾生意。問路芙有冇見過Ben女友文恩澄去電台搵男友?路芙話有時都會見到,下次有機會會問吓佢哋呢件事,佢又話以佢所知,Ben同文恩澄仲未散嘅。