【本報訊】南丫島撞船慘劇，被撞沉的港燈遊艇「南丫四號」，船上一百二十多人來自數十個家庭，當中不少是帶着年幼兒女登船的父母，沉船一刻，這些爸爸、媽媽表現出無比的勇氣，他們將救生衣套在兒女身上，自己在海水中浮沉，甚至被繩索勒在船艙內，遭海水沒頂，都不肯離開，用盡最後一口氣，呼喚兒女堅持下去。
記者：鄭大康、周鴻熙、黎家駒
「我求你救我個女先！」將救生衣套在兒女身上，自己被海水湧往船艙樓梯口的陳太，遭繩索勒住，她望着一對分別10歲和7歲，穿着救生衣，被困在船頭的兒女，不斷鼓勵他們堅持下去，海水一波波湧來，幾次將她沒頂，她緊握着欄杆，每次從海水中伸出頭來，便大喊一次，希望救援人員能夠聽到她的聲音，救走兒女。
陳太丈夫陳漢文帶着一對兒女事發前登船，準備去看煙花滙演，卻遇上慘劇，「啲救生衣打晒結，拎唔到出嚟，一拎出嚟就幫個仔着，啱啱着完唔夠幾秒，我就被拋去船中間樓梯條柱度」。
目睹女兒跌落大海
陳太憶述當時經過時激動地說，「兩個細路喺船頭，啲凳一排排冚落嚟，我個仔跌落嚟，我叫佢爬返去，快啲爬返去，個女就倒吊喺度」。丈夫大腿被凳夾住受傷，自己死抓着欄杆不肯離開，「啲人湧晒去窗口，我唔敢走，因為兩個小朋友仲吊喺上面」。
足足半個小時，消防蛙人終於出現，「個消防員入咗嚟，我大聲求佢救我個女，佢唔識游水」。蛙人伸手想抓着女孩的小手，卻抓不着，陳太目睹女兒跌落大海，不要命地撲前想接住女兒，雖然抓不着她卻幫她卸了力，女兒最終還是跌在水中，丈夫將女兒推出窗口，由消防員接走。
「見到仔女游咗出去，自己先發現有條繩勒喺中間，心諗自己一定死梗，因為俾條繩勒住。」雖然海水沒頂，但此時，她的心反而寬了下來，結果印象模糊地與丈夫雙雙被救出船艙。
丈夫同事全家罹難
她一上岸就去找兒女，雖然知道子女都獲救，但見不到他們，立即哭了出來，「政府啲人忙到唔得閒理我哋，好彩屋企人check到仔女資料，噚晚5點喺伊利沙伯醫院搵到佢哋。」她說兒子左邊屁股縫了三針，只屬輕傷，女兒則受驚過度，身體沒表面傷痕，子女可即時出院。
「真係好好彩，我先生嘅同事，老婆同仔女都冇咗，坐我前面嗰幾個都冇咗，之前都仲有傾有講……」說到這裏陳太沉默下來，「可以齊整返屋企真係好彩。」