好多文化、社運同政界人士近期一早起身唔係讀報，而係上網睇《主場新聞》。八方聽聞，唐唐都係《主場新聞》粉絲，大讚呢個新媒介平台好掂，慳番好多周圍搵文睇嘅時間。事實又係點？八方聽聞，單憑轉載blogger嘅精闢文章，加上即時點評吓熱門時事，有中介組織進行嘅調查顯示，《主場新聞》嘅每日瀏覽人次已經多過《信報》，約近10萬咁多，儼如香港版《The Huffington Post》。雖然"share"出彩虹，但《主場新聞》都有煩惱，事關有啲blogger嘅好文，同時刊登喺報章，有傳媒機構已經警告佢哋，咪亂嚟「抽水」登文。