同緋聞幾乎絕緣的蘇永康終於開齋與廖碧兒傳緋聞，最新一期《壹週刊》報道話，廖碧兒同蘇永康拍王維基劇集《童話戀曲201314》時，日夕相對；蘇永康對廖碧兒勁nice又有風度，廖碧兒亦對蘇永康動咗心。
廖碧兒被問到發展機會時說：「Never say never」耐人尋味。但蘇永康今日在電話中決絕說：「I can say never！廖小姐係筍盤，我係爛地，筍盤點會揀爛地呢？我同廖小姐只係合作過十幾日，溝通唔多，上次拍《法網群英》同徐自賢拍埋床戲都冇傳緋聞，點解今次咁奇怪呢？」
蘇永康稱已跟在法國工幹的女友備案，女友對他很信任，至於結婚，蘇永康指結婚一定會公開。