「港人申訴（內地）機制大聯盟」噚日一行10人去到紅磡火車站，打算發起「茉莉花維權」去羅湖橋「散步」，抗議內地司法不公，希望藉散步迫使港府同大陸接洽，建立一個申訴機制，令佢哋不致有冤無路訴。出發前當然拉起橫額展示一番，港鐵站經理同警察都即刻走埋去了解，大約企咗半個鐘，大聯盟成員之一薛寶仁竟然話臨時取消，點解呢？薛先生話，有個警察同佢講，已有人從中幫佢哋向特區政府「疏通表達」，又話如果佢哋如常出發散步，唔會阻止，之不過就可能令疏通表達前功盡廢囉。大聯盟諗兩諗都係暫時撤退。今次警察維穩有功，睇嚟禿鷹有運行啦。