隔牆有耳:洪為民撐國教得把口 - 李八方

隔牆有耳:洪為民撐國教得把口 - 李八方

曾經矢言要抗衡反國民教育嘅菁英會榮譽主席洪為民(圖),早前喺facebook懶醒話要絕食撐國教,仲話「順便減肥又可避應酬」,當然佢最後冇兌現到承諾啦,噚日仲面色紅潤咁出席國慶酒會。洪為民同八方講,當日只係一時戲言,當同朋友喺facebook吹水,即係講吓唔算數。家吓國民教育課程指引「失效」,撐國教嘅佢係咪好失望先?洪為民話佢唔適宜做判斷,「我未係嗰個level回應呢個問題」,總算佢都仲有啲自知之明。