從喜愛香港玩具，到傳承香港玩具，彭順對港產玩具的情意結，源於小時候，「細個鍾意玩玩具，但係冇錢買，到出嚟做嘢，就好想買番」。他最喜歡的收藏是曾與弟弟彭發玩過的雙人膠彈槍，兩支槍柄相連，兄弟二人各持一邊，發射時會彈出一個小球，「兩個人鬥彈嚟彈去，都可以玩足一日」。
不時更換展品
這款玩具，自彭順到社會工作後，以高價收集到三件，兩件用作收藏，另一件他隨時拿出來把玩，回憶與弟弟的童年時光。他認為，收藏玩具的樂趣在於搜集過程。為了補償童年，所有香港製造的玩具，彭順都會收集，找到心頭好更會毫不猶豫地購買，「錯過咗可能買唔番」。即使要用逾萬元買一件玩具，「都係值得嘅」。
彭順有多少收藏品？他自己也數不清。兩年前，彭順開始構思建立博物館，「想建立一個地方，俾人上嚟睇到香港玩具，同時同佢哋有個交流」。博物館的展品只是他收藏的四分一，展品會不時更換。「到家都仲未有人可以列出香港出過嘅所有玩具，我好想做到呢樣嘢。我成日都會搵到自己未見過嘅玩具，覺得好大驚喜，亦好吸引我一直收藏，唔會停」。
《蘋果》記者