隔牆有耳:曾鈺成粉絲多過狼英 - 李八方

隔牆有耳:曾鈺成粉絲多過狼英 - 李八方

一度銳意入閘選特首嘅民建聯曾鈺成,雖然無登上特首寶座,但佢喺政界嘅粉絲,仲多過正印特首狼振英。好似噚日佢出席升旗禮時,一入場就瞬即被四方八面嘅友好簇擁,唔講仲可能以為佢先係正印特首㖭呀﹗唔知狼英係咪好羨慕呢?查實要一朝早起身出席升旗禮,少啲意志力都唔容易,若然要化埋妝襯埋衫先出門口,肯定天濛光就要起身嘞;所以當八方見到謝偉俊同白姐姐,噚日以襯到絕一絕嘅白色衫褲搶鏡,真係不得不向佢哋寫個「服」字。