家好多女網球手都鍾意邊打波，邊尖叫，話可以刺激到士氣，但唔好處就係製造大量噪音，令對手同觀眾隻耳仔受罪，女子職業網球員聯會（WTA）打算立例，懲罰嗰班「尖叫女王」。平時比賽都會尖叫嘅舒拉寶娃（圖），唔知係咪良心發現，竟然支持呢個計劃，「由細細個開始，我就鍾意打波尖叫，當時冇人話我知咁樣做係唔啱，結果就成為習慣。」若然真係立例，希望呢班「女王」自律，免得俾人罰。