隔牆有耳:狼太竟「打煲呔」 - 李八方

隔牆有耳:狼太竟「打煲呔」 - 李八方

貴為特區第一夫人嘅狼英太太唐青儀,佢嘅「獨特」衣着品味一向好矚目,過往不時為市民帶嚟「驚喜」。噚日狼太首度陪同老公出席升旗禮,一襲棗紅色套裝嘅佢,明顯經過「悉心打扮」;係就係沉實又老套咗啲,唔夠林鄭嗰套藍色繡花旗袍咁突出㗎嘞,但至少唔會睇到人眼凸凸。但再細心睇一睇,八方卻發現原來狼太竟然喺頸上戴咗一個紅色騎呢飾物,同佢嘅套裝唔多襯,遠睇仲有啲似打咗煲呔咁,同佢隔籬嘅煲呔曾堪稱襯到絕呀﹗至於佢另一半狼英,雖然喺前一晚因為避開學民思潮嘅請願,捱夜至凌晨時分先返山頂大宅休息,現場所見仍然幾精神,冇當眾放蚊。