近期乜嘢新聞最多人關注，就梗係中日釣魚台爭拗啦，睇埋祖國近期不停咁晒吓軍事實力，即時覺得有啲振奮，見到間軍事模型舖，都好想擴充一下屋企嘅軍備！ 文、攝：中行線
當然中國嘅軍事力量家都唔算嘢少，先講佢哋嘅戰鬥機先，主力就有「殲15航空母艦艦載戰鬥機」，呢部係中國從烏克蘭獲得Su-33戰鬥機原型機T-10K進而仿製的國產第四代戰鬥機，屬於重型艦載戰鬥機。
當然中國係軍事強國，又點使下下靠人，好似「殲10戰鬥機」，係中國自主研製的單發動機、輕型、多功能、超音速、全天候、第四代戰鬥機，係一種多用途的戰鬥機，能夠執行空戰和轟炸的任務。
講完天空講埋陸地軍力畀大家知，祖國可以射支火箭上太空，即表示導彈技術都有番咁上下，最新式就一定係「03型300毫米遠程火箭炮發射車」，佢可以一次過裝上12支火箭炮，夠晒霸氣。
睇得仲郁得
深圳呢間敦雅藝品，睇個名以為賣藝術品，原來係賣咁刺激嘅嘢，入面有齊中國現時最新軍事模型，而且件件都依足比例製造，而且戰鬥機、坦克咁，手工仔細之餘，仲有活動關節，大炮台可以360度轉動！聽sales陳小姐講，「嚟買模型嘅大多數都係現職或退伍軍人，佢哋都係想買番件自己當兵時服役嘅軍備。」明晒。
敦雅藝品
地址：羅湖區梅園路808棟藝茂中心5層E031室
網址： http://www.don-art.com
交通：羅湖口岸乘的士五分鐘左右，約¥25。