NBA應屆總冠軍熱火就會喺10月中去中國，聽內地傳媒講，佢哋會喺8號到北京停留3日備戰，之後同快艇打熱身賽。隊中3分射手占士鍾斯就話自己去過萬里長城，所以可以帶一班隊友，到長城做好漢。而佢隊友「大帝」勒邦占士（圖），就好睇重今年佢第2次嘅中國行；因為佢話好有可能喺7號對鷹隊嘅季前賽首戰，係咁易打吓就算，將精力放喺之後比賽。