今天歐聯主打，不過看過上輪部份名牌強隊漫不經心，個人選攻英冠快車；一條二串一狼隊W，分射侯城入球「大」同黑池冷W。歐聯上輪大旺強隊讓「和」，後防有頗嚴重傷兵問題嘅巴塞及曼聯，主場只贏1粒，相信令不少熱門客損手；兩軍防線續漏水，客W開飛只得1.5倍或樓下，一條二串一客W風險唔細。
重心取英冠4連勝嘅狼隊破水晶宮。英冠競爭大、打得密，唔會有太多球隊可以保持穩定走勢，「1哥」位會不斷轉手，到季中後形勢才會較明朗。捧狼隊，主因開季越打越好，上周中狠心被車仔炒6粒棄盃仔。放走射手史提芬費查俾新特蘭，執番成1.5億，各自也生活得好；今季主場4戰已累計3W，平了上季喺英超全季主場勝仗，落班即超！今晚已係連續兩場主場出擊，以逸待勞，球隊今季得分點多，已有多達8人有「士哥」；對手水晶宮剛爆大冷作客贏保頓，打叠作客，再出冷難度極大。今季英冠「1哥」位，黑池最快被打落；不過小弟會繼續觀望呢隊重點球隊。同狼隊一樣，黑池輪換前鋒更狠，恩斯仔上場連後備都冇，今場作客侯城成冷，見佢出場更添信心，冷W可博，但入球「大」上貼士榜會更安心；歐聯一注，捧華倫贏波波膽，對手里爾散散地，華倫爭分組賽首捷決心足。（下次見報：6/10）文：蘋果波神