陳淑莊Tanya雖然做唔成陳七，失落立法會選舉，但唔使擔心佢會成為失業大軍，事關佢先至係真真正正大把嘢撈，除咗可以做番大律師老本行，演藝界亦有唔少空間畀佢發揮。
商台高層陳志雲就睇中Tanya牙尖嘴利得嚟又幽默，加上都喺政界碌過，所以邀請咗Tanya由今日開始一連五日，朝早主持商業二台《在晴朗的一天出發》節目，接替開始放假籌備《草蜢森巴大戰軟硬FANS演唱會》嘅林海峰。
為咗做到最好，Tanya話佢日前已經同另外兩位主持朱薰同埋阮子健，開咗個工作會議，拜託佢哋多多關照自己呢位主持界新丁，Tanya最希望呢五日可以令到聽眾知道，政治時事一樣可以好有趣。八方祝佢做到2012廣播界嘅新人王。