龔嘉欣噚日到土瓜灣出席中秋節活動，佢做完嘢就返屋企同爺爺、嫲嫲等屋企人做節，但係竟然冇預男友鄧健泓嗰份，吓！唔係感情有變呀？龔嘉欣解釋：「我要同屋企人傾密偈，唔係老公唔帶返去。」哦，好彩啫。龔嘉欣又話早前食完魚生之後腸胃炎，病足三個禮拜，家瘦到得95磅，加上拍劇又吊威吔同踩單車，真係想肥番都幾難。