【本報訊】人生有選擇未必是好事。有些人面對選擇，每次都做不到決定，或決定後改來改去，越多選擇，越難選擇。這些人原來很多都是患上選擇困難症。大部份患者受到抑鬱、焦慮或強迫症影響腦部功能，導致下不到決定。師奶、科技界才俊及OL都有機會患病。幸好患者只需服藥治療情緒問題後，就不會再猶豫不決。
記者：陳沛冰
精神科專科醫生李德誠表示，選擇困難症並非指一般女孩子買衫時左揀右揀、三心兩意般簡單，患者面對選擇時，會出現較嚴重症狀，「成個人可以癱瘓，呆咗喺度，四肢郁唔到，好似電腦hang機咁，無辦法前進」。
另一種常見情況是不停改變決定，「今晚決定咗plan A，第二朝又改做plan B，之後又再改」；又或是一直拖延不肯做決定，「好似搬唔搬屋，諗好耐都決定唔到，結果一路拖，成日都話遲啲先搞」。
影響團隊工作效率
李德誠表示，早前有一名科技界才俊因失眠求診，其間他一直表現緊張，甚至情緒低落及發脾氣。患者有10多名下屬，每日要做很多重要決定，以前做決定時從容不迫，但近期總是三心兩意，經常擔心做錯決定，「今晚plan好咗啲工作第二朝又改」，影響整個團隊的工作效率，其後診斷為因抑鬱症引致選擇困難障礙。
引致選擇困難症有兩大原因，最常見是因患抑鬱、焦慮或強迫症而影響腦功能。他指，腦顳葉內海馬體負責短暫記憶，記住可選擇的東西，腦額前葉負責做決定。
上述情緒問題會令人的腦顳葉「hold唔住啲選擇」，無法作出比較；加上負面情緒令專注力差及信心低，腦額前葉功能受影響，故做不到決定。
他表示，曾有師奶因患抑鬱症引致失眠、專注力變差及精神恍惚，其後出現選擇困難障礙，「最常見係佢以前去街市好快買完餸，但家去到街市唔知點好，個腦空白一片，冇主意。再加上街市好嘈，好多唔同顏色、氣味，一時間太多資訊，個腦更加運作唔到」。
與幼年常被罵有關
李德誠表示，另一個導致選擇困難症的原因是心理問題，患者本身自尊心低，對自己決定沒有信心，或經常擔心做錯決定，要為所做的決定負責任。這些心理問題可能與成長有關，如小時候動輒被父母責罵，長大後變成擔心做錯決定會被別人責罵，而不敢做決定。
他曾有一位OL朋友每逢外出吃飯時，都會對着餐牌發呆，「成個人會停咗落嚟，當其他人望住，佢壓力更大，更加緊張，更加揸唔到主意」。這名OL當工作上遇到選擇時，便會不知所措；只有沒有選擇時才表現正常。其後得知她小時候經常被家人打罵，引致自尊心受損而患上此病。