關仁隱事:<br> 「射皮」獅子開口斷米路 - 關仁

關仁隱事:
「射皮」獅子開口斷米路 - 關仁

同唱片公司分咗手嘅「射皮」,之前一直傳有好多公司都想斟佢過檔,搞到佢好似好搶手咁,實情係點?大家都有眼睇,咪好似家咁,一直未有着落,關仁聽聞,最大可能性咪係同佢老公同一間公司囉。其實圈中人都知射皮嘅幕後班底麻煩兼獅子開大口,所以嚇到某公司高層原本有興趣都卻步,要仔細考慮先決定係咪同佢哋合作。結果射皮一於先下手為強,早排爆響口話會同某公司合作,實行整濕人哋個頭,至於嗰間公司係咪真係中招,咁就要放長雙眼睇吓喇。
Text by關仁