作為一個擅於幫人搞上市的前投資銀行家，陳崇輝當然想過將三和集團上市，但市況欠佳是未成事的原因之一。目前他希望先物色投資者入股投資，打造一個面向大眾的遊戲網站平台，再聯同博彩業務一併上市。
物色創投基金入股
三和成立至今，基本上年年賺錢，「網上博彩公司，第一步基本完成，係以金融公司結構營運。」陳崇輝的下一步是想走娛樂形式，「舊年搵人搞咗個遊戲網站，遊戲好玩，網頁亦好靚，玩家同玩家對打，我哋同樣係提供平台畀人玩，但個game只能支持百幾人玩，我希望係十幾廿萬人一齊玩。」原來發展網遊平台市場投資很大，陳崇輝指出，需要大量人才編寫程式、設計，以及大量硬件配備，資金需求大，單人匹馬做不來，一定要想辦法引入資金。「最好喺香港上市，資本市場流動性高，但家市況較差，惟有諗其他辦法。」其實亦有投行建議他只將博彩業務上市，但憂慮業務波動性及風險較高，市盈率及估值不會很高，相信連同較大眾及穩定的網遊業務上市，估值肯定更高。目前他已託銀行界朋友替三和物色一些創投基金入股，希望籌得資金先搞好網遊。