昨日剛好是梁振英上場90日，在這短短約三個月，他令市民對特區政府信任下跌至8年新低，但他推說不同民調有不同數據，自詡「公道自在人心」，認為市民享受到他宣佈的措施後，民望自然能夠反映，更以「行的是正道便好」來往自己臉上貼金。民望不斷沉底，梁振英歸咎於「不同民調有不同數據、不同民調視乎佢問問題點問法，有不同結果」，堅稱自己會重視、但不會誇大這些問題，更指以往立法會以特權法調查的西九事件、黑金政治等，最終「公道自在人心」，「事實終會證明有啲人對我本人、對整個政府嘅猜疑」。他又認為未來港府推出的民生措施落實後，他個人及政府支持度就會反彈，「市民真係得到實惠嘅時候，我相信先至會喺啲民意調查嗰度普遍咁反映出嚟」，接着更搬出佛教聯合會會長覺光法師的說話，「為大眾做事，總會有人說你，不要害怕，行的是正道便好」，來往自己臉上貼金。
不回應范太批評
對於建制派分裂未解決，連全國人大常委范徐麗泰日前也公開批梁「冇才能」。梁振英未有正面回應，「范太個問題，我喺媒體嗰度睇到，我都唔考究佢具體講啲乜嘢，總之我知道我應該做啲乜嘢，政府應該做乜嘢」，又指自己與民主派的關係並非太差，「有啲政治人物（民主派）尤其喺選舉之後，佢自己解讀社會氣氛或者佢哋支持者嘅立場，佢有某啲政治上嘅姿態，呢個我係可以理解嘅」，揚言自己以往都曾出席民主黨的宴會，希望將來有民主黨成員願意加入政府的委員會，或者能與民主黨「食飯傾公事」。雖然今屆立法會尚未復會，但梁振英已暗示重組政府架構方案可能斬件再上，但一切有待政府內部討論，又指有關特首選舉的司法程序完成後，他會「由頭到尾」交代住所僭建問題。《蘋果》記者