尼馬係森巴足球嘅耶穌？有雜誌就用咗呢條橋做封面，將尼馬釘咗喺個十字架上面（圖）。呢啲敏感宗教題材，講吓就算啦，仲要上封面，就好難唔俾人插。巴西主教聯會見到之後非常憤怒，狠批咁樣係褻瀆神明！平心而論，尼馬有幾勁，一直都引嚟好多爭論；同埋佢喺倫敦奧運嘅表現又麻麻，睇嚟要專心喺國際大賽踢好波，先會有人認同。