油麻地有好心老闆強哥外，還有一對低調「善長父子」。08年，強哥跟在油麻地街市賣雞的熟客黃鑑父子，談起幫窮人的宏願，雙方一拍即合，「佢原來都好想幫人，我哋就決定免費派飯畀有需要嘅人，一盒飯各出一半錢」。黃先生坐言起行，每月將數百張飯票分予各慈善團體，包括露宿者行動委員會等，只要手持飯票就可以到強哥的燒臘店攞飯。該委員會義工阿儀表示，幾年前一名叫Ken Wong的人到會址，望了望環境後便將一叠飯票交給他們，「平日啲老友記可以上嚟會址食飯，但星期六、日我哋休息，佢哋冇飯開，多得Ken Wong啲飯票，佢哋可以喺嗰兩日食到燒味飯」。
每次回港放低數十萬
飯票由黃氏印製，上面寫着「由黃鑑父子贊助」，不過強哥說黃鑑早已離世，其子阿Ken為紀念父親才印上父名，「佢哋家冇賣雞，已經移民去加拿大，但每年有幾個月會返嚟，次次返嚟就放低幾十萬畀我幫窮人」。《蘋果》記者