俄超豪門辛尼特出現「詐」彈疑雲！喺辛尼特嘅訓練場地入面，發現咗個假炸彈，炸彈上面仲有張侯克（圖）嘅相，上面寫住叫侯克out！家警方調查緊件事，據報有辛尼特球員不滿球會買侯克同韋素返嚟，話唔定就係佢哋做；辛尼特都唔否認隊中有人唔鍾意侯克。另外，俄羅斯前鋒基沙哥夫同教練史巴列堤和解，已經重歸1隊陣容。