「牛神」之前喺大婆台咁多年都冇被重用，即使做過幾個熱爆角色，始終都做唔到公司嘅親生仔，搞到佢去年離巢。牛神外闖發展認真唔錯，之前幫大婆台演嗰套劇最近播出街又爆紅，連帶人氣急升。大婆台今次怕再流失人才，所以急急同牛神傾合約。不過，牛神一向寸嘴，經常都數臭大婆台，佢除咗喺公開場合暗寸舊公司製作有問題，同記者做訪問時都忍唔住口，好似佢之前去到人哋公司做訪問，眼見有大大個泳池，佢就即刻彈大婆台嘅設施差，仲話如果大婆台肯放啲資源搞好啲員工設施，相信大家會更加有歸屬感，拍劇時都會投入啲喎。
Text by關仁