今季阿倫轉投熱火，力求可以喺球員生涯黃昏博多個尾彩，搞到塞爾特人「3巨頭」不再，更令到出名火爆嘅兄弟加尼特（圖），要同佢決裂。話說上周五傳媒日，加尼特同記者講，自己已冇再搵阿倫，就連電話號碼都鏟埋。呢位36歲塞軍中鋒仲話：「人各有志，我唔會將個人情感放入去。」但係你連電話都鏟埋，擺到明唔妥兄弟為冠軍唔要朋友喎。