50後嘅蘇錦樑原來係漫畫迷，仲鍾意睇60年代大熱少女漫畫《13點》。噚日佢出席動漫星光大道開幕禮話，公仔書同連環圖陪伴佢成長，除咗睇老夫子，家姐睇完啲《13點》，佢都會執嚟睇。事實上佢之後仲兩度走近漫畫主角13點嘅雕塑前合照，拜倒喺紅白連身裙之下。《13點》作家李惠珍雖然話女仔靚就梗係多男仔睇，但對局長係13點粉絲都有啲驚訝㗎。
有攝記乘機叫局長扮13點嬌俏嘅姿勢合照，局長立即擰頭，叫大家唔好要佢擺pose啦。
但蘇錦樑呢頭話唔擺pose，嗰頭佢就喺王小虎雕塑前握拳扮格鬥，睇嚟唔肯喺13點面前搔首弄姿，都係怕醜啫。