【中環、銅鑼灣】
何家淑女靚女多，三房、四房更加係位位都青春少艾。前日傍晚，首先喺中環見到啱啱過咗生日嘅四房千金超盈，佢喺威靈頓街一帶行行企企等人。呢排開始有啲秋意，不過超盈繼續着短褲現身，露出修長美腿，但要數到最吸引嘅，都係佢件跌膊衫，佢嘅性感打扮吸引唔少人行過回頭望多眼。超盈大概等咗5分鐘，就會合咗一位女性友人去便利店買嘢飲。之後超盈同朋友行咗去一間飾物店睇嘢，睇咗十幾分鐘就走，佢一出門口就跳上架七人車離開。
同日晚上7點幾，喺銅鑼灣又見到三房位靚女超蓮出現，超蓮同超盈唔知係咪夾過，佢又係着短褲出現，仲戴住頂cap帽。超蓮喺希慎廣場等人，唔夠5分鐘一個少女會合咗超蓮，然後同超蓮一齊行去就近嘅自家烏冬開餐，原本佢哋坐近門口，不過發現有記者，就即刻搬咗入去坐。
採訪、攝影：吳耀輝、羅德光