年屆75歲高齡嘅鄉議局主席劉皇發老來做博士。中國政法大學近日就向發叔頒發名譽博士學位，表揚佢長期為香港繁榮穩定同落實一國兩制做嘅貢獻，原來發叔係該校頒授嘅第六個名譽博士，算係稀有分子。
既為香港基本法起草委員會成員，發叔喺中國政圈都有好多朋友，部份中國政壇元老，例如原全國人大常委會副委員長王漢斌及原港澳辦主任魯平，以及現港澳辦副主任張曉明等猛人，都有畀面出席學位頒贈儀式，連同鄉議局副主席張學明等人，在場有近200人見證發叔做博士嘅歷史時刻。發叔話有幸成為政法大學其中一分子，實在無比自豪，仲有前所未有嘅喜悅㖭。