英聯盃重戰意睇準部份主理人「口不對心」，收窄範圍結合賠率下注，成效理想；承接呢個盃仔重開戰幔嘅大場面聯賽；重心就撐唞到夠嘅富咸，迎富豪球會曼城保不敗及入球「大」。上周利記戲劇性「慘負」曼聯，捧紅軍者只能嘆無奈，班波黑氣盛，小弟唔敢沾手；更詭異係之後曼城對住阿仙奴，主場嘅藍月亮在輪換後，大部份時間未顯真功夫；阿仙奴驚老鼠仔前鋒，藍軍卻派迪斯高擔正。一班勇兵踢得舒服更可施展今季殺着穩守突擊，曼城究竟係之前鬥皇馬拼傷元氣，又或者文帥喺長途賽唔心急？周中盃仔曼城又漏水出局，唔少人認為佢哋今季會看重歐聯，下周三迎多蒙特不容失，今晚鬥富咸相信追佢哋反底者唔少。曼城今季中場守力削弱及新軍未夾熟係不爭事；今場小弟撐富咸，主要原因係一早喺盃仔出局，周中無賽事可唞足一星期，加上喺呢個今季兩場主場聯賽全勝入8粒嘅氹仔，招呼強豪。還有進攻重心柏歷傷癒，可取代已過檔熱刺嘅迪比利校炮，支援貝碧或洛達列加，入球可期。重點博入球「大」，再取3.6倍和波。英冠好戲碼，當屬中前場星光熠熠嘅卡迪夫城，招呼另一升班熱門、小弟愛隊黑池，又係兩支早早喺聯賽盃出局周中無波，可存心喺聯賽決戰；鋒力一樣強，取卡迪夫城入球「大」兼新人越打越好嘅黑池冷W。(下次見報日期：2/10)蘋果波神
今周精選
《正》富咸大《副》卡迪夫城大《冷》黑池勝、富咸和