NBA近年吹起插水風，騎士前鋒華利奧成日誇張表情博對手進攻犯規，熱火雙星保殊、獲迪（左）又係成日扮嘢博球證同情。勢估唔到總裁史坦都睇唔過眼，據ESPN透露，新一季聯盟將嚴打插水，賽後球證可以用錄影帶翻睇比賽，一旦認為球員插水，可以追加停賽、罰款等處分。咁又係，球迷睇NBA，都係支持真係技術較量，絕對唔想畀班戲子控制勝負。