何淑兒做咗官場最「短命」署長。佢7月中先至調去做運輸署署長，唔夠3個月，個位都未坐暖，政府噚日就宣佈將佢調走，不過係升官，做商務及經濟發展局常任秘書長（通訊及科技）；而運輸署署長個位，就由公務員事務局副秘書長楊何蓓茵升任。
觸動今次官場音樂椅嘅源頭係財經事務及庫務局常秘應耀康，因為太太患癌，應耀康疼愛妻子，申請咗無限期事假陪伴在側，所以令常秘級數職位出現一個空缺，公務員事務局要臨急晉升番一個常秘冚番個缺口。何淑兒喺官場口碑唔錯，但官運唔係幾好，佢同應耀康同一年入政府，但應耀康早佢8年已經升呢做常秘。