仲有個零月就41歲嘅工聯會麥美娟Alice，係立法會內新一代剩女，就連狼英都話要介紹男人佢識。但狼英有名你叫係「大話精」，至今遲遲未兌現承諾，尚未向Alice送上筍盤任揀，好在Alice一啲唔介意做剩女，反正都叠埋心水……唔係叠埋心水唔嫁呀，係叠埋心水做好議員份工，爭取立法標準工時。
麥美娟最介意反而係前排工聯會建議政府向日本發出黑色旅遊警示，結果惹嚟網民圍插佢腦殘兼係八婆；Alice解釋建議發警示無非想抵制日本，唔同意冇所謂，何須人身攻擊？強調做剩女就no big deal，但被人話係八婆就no way。