【北京】平日出騷例牌性感行先嘅內地女星鞏新亮，日前被發現喺北京同朋友食火鍋，不過當日佢嘅打扮一啲都唔性感，頭戴鴨舌帽，身穿灰色長袖衫同格仔長褲，途人根本好難認得出面前嘅就係索爆嘅鞏新亮。食完飯後，鞏新亮冇急住走，仲企喺門口掛住同朋友吹水，之後又不停東張西望，唔知係咪等緊佢緋聞男友郎朗呢？