老牌導演楊權今年5月喺美國逝世，享年81歲，噚日佢嘅一班老友好似邵氏高層黃家禧等就幫佢喺西灣河搞咗個分享會，出席有楊權太太同埋個女、羅蘭、邵音音、丁羽同泰迪羅賓等等。羅蘭姐透露自己做特約演員時已經認識楊權，超過50年，楊權嘅仔女都會叫佢做姑姐。佢又話楊權畀佢嘅印像係中氣十足，講嘢好大聲。