喺日本上演嘅泛太平洋網賽已經進入尾聲，噚日上演兩場女單準決賽，拉雲絲卡同埋柏杜娃（圖）都輕輕鬆鬆晉級，會喺今日爭后冠。衞冕嘅波蘭球手拉雲絲卡對住德國嘅卡芭，兩盤都係贏6:1壓倒性晉級。至於俄羅斯嘅柏杜娃就幫同胞舒拉寶娃報一箭之仇，喺另一場4強對住史杜莎，同樣係壓力不大嘅情況下，以6:4、6:2淘汰對手。