隔牆有耳:富豪御醫兼職公院 - 李八方

隔牆有耳:富豪御醫兼職公院 - 李八方

病人包括李超人同前特首煲呔嘅「富豪御醫」、心臟科專科名醫謝德富,原來已悄悄向基層市民「埋手」。眼見公立醫院醫生嚴重不足,謝醫生早前響應私家專科醫生協會呼籲,幫手去公立醫院做兼職。佢喺今年2月開始,喺聯合醫院內科專科門診睇症。謝醫生呢份兼職,時薪只係幾百蚊,相比起佢幫富豪睇病嘅閒閒哋過千蚊診金,簡直九牛一毛。謝醫生話唔知會有幾錢人工㗎,自己都係想回饋吓社會啫。