亢帥克於音樂世家長大，機緣下參加09年第一屆《亞洲星光大道》奪得亞軍，從而開展歌手路，亢帥克獲擔任比賽評判的肥媽Maria Cordero欣賞，賽後一直助他發展歌唱事業，原定去年推出專輯，但礙於亞視內部問題令計劃押後，亢帥克說：「出碟計劃延遲都冇徬徨，咪自己努力做多啲歌，加上一路肥媽好鼓勵我，今次隻碟都係佢畀錢投資。」他亦聽取肥媽的建議，努力學習跟人溝通表達自己：「以前我係怕醜仔，唔敢同人溝通，家已經克服咗。」
不愁沒人欣賞
同屆獲冠軍的羅力威已簽約英皇並能亮相無綫，亢帥克絕對沒羨慕對方，也覺得毋須簽約大型唱片公司才能有助事業：「只要係好嘅音樂，唔會因少咗平台宣傳而冇人欣賞，我仍然有信心喺年尾頒獎禮得到好成績。」今次專輯沒收錄自己的作品，而他手頭上已有一批作品能隨時推出，講到想跟誰合作，他說：「好想跟方大同合作，我好欣賞佢嘅音樂，同時也影響到我。」
採訪、攝影：馬建華