終於等到放假，好不容易捱過沒公眾假期的亡命暑假，望小休數日叉電再上路，但今年中秋遲了半個月，令Samantha望穿秋水，當中的原因可能是公司少了拆禮籃的中秋餘興節目。禮籃數目銳減但月餅數量卻有增無減，唔怪得家賣西餅、賣雪糕、賣咖啡、賣朱古力嘅，總之打開門做生意都賣月餅。可能眼紅嘉麟樓賣奶皇月賣到上港聞版，大家陸續搶攻奶皇月市場，或者港人眼中嘅商機，就是將炙手可熱的產品賣到爛為止。要數中秋頭號「飛佛」，相對全城熱捧的奶皇月，反而豬籠餅更得Samantha心，紅色膠花籃裝住一隻乾硬但散發着麵粉香的豬仔，嚐的未必是味覺上的滋味，而是童年回憶。近年奇華和稻香控股（573）旗下的泰昌餅家，亦賣過豬籠餅和棋子餅等應節「老餅」，望多做點生意。稻香中期賺1.39億元，按年升逾一成，股價近月在4元以上的上市新高徘徊。股價若要突破，新諗頭是必須的。連放4天長假，暫不推股，祝中秋節快樂！Samantha本欄逢周一、三、五刊出