游泳選手朴泰桓（左）同埋韻律操精靈孫延在（右）都係南韓體育明星，加上係俊男美女，梗係多廣告商打佢哋主意啦，所以不時有合作機會；佢哋為咗避嫌，就以「哥哥」同「妹妹」嚟稱呼對方！喺周三，兩人就現身仁川，替一個運動品牌拍廣告，不過戲肉反而係拍完廣告之後；孫延在叫住朴泰桓，送出早已準備好嘅生日蛋糕同禮物，預祝朴泰桓喺周四嘅23歲生日，嘩！咁甜蜜，真係「兄妹情深」喇。