一班新聞界團體噚日喺會展大搞國慶酒會，但卻搞㷫現場嘅一班記者。事關噚日活動雖然名為新聞界酒會，但現場「豬欄」（即採訪區）處處，保安更將圍欄加完一層又一層，完全唔方便新聞界採訪。一眾出席酒會嘅官員，包括特首狼振英同民政事務局局長曾德成等，酒會上不設任何發言，台下亦只同個別傳媒高層吹水幾句就快閃離開；對於有記者喺新政總採訪後被控普通襲擊、啟德發展計劃等問題，一概唔回應。