民間監察本港慈善團體財務狀況的明施慎選（iDonate）創辦人溫澤君表示，匡智會的核數報告中詳列收入來源，但沒詳列支出的地方，「（撇除學校開支）上年匡智會支出咗兩億幾，但就冇交代啲錢使咗去邊！」她促請該會交代支出去向，如有多少錢用於智障人士服務，有多少錢是員工薪酬，「只有睇到佢啲錢點使，先知佢有幾efficient（有效率）」。
李卓人：應有透明度
至於匡智會稱訓練酒店由08年落成至今，4年有40名學員受訓，當中一半獲公開就業。溫澤君質疑：「係咪酒店訓練有問題，令成功就業率得一半？」候任立法會議員李卓人也批評匡智會無清楚交代支出，「攞慈善牌嘅唔使交稅，應該要有個透明度」，質疑非牟利機構「賺咗錢就發展王國」，除了贏得機構榮譽，「會唔會因為社福機構成為一盤生意，整到啲CEO(行政總裁)肥上瘦下好高人工？」匡智會的服務對象為智障人士，2010至11年報顯示，該會轄下有13所特殊學校、52個服務單位、11間社會企業；該年度獲政府資助達4.5億元，佔該會總收入88%。該會現時的贊助人為特首梁振英的太太唐青儀。《蘋果》記者