大批台灣傳媒噚日應中國評論通訊社邀請來港，諗住訪問特首狼振英，點知到場先知俾人老點，發現原定半小時嘅訪問環節，只限同狼振英交換卡片同影相，唔准問問題。嘩！安排仲衰過大陸，難怪有台灣傳媒噚日一見香港記者就投訴被狼「詐騙」，話來港前明明講好可以歷史性首次畀台灣媒體專訪香港特首，點知嚟到乜都冇，只稱可以透過書面提問，再考慮稍後回覆。有新聞處職員就話上述「採訪」安排由中評社負責，唔關特區政府事喎。有台灣記者亦對狼振英用極其麻麻嘅普通話演講表示反感，指狼振英以香港仍用右軚車為例子，說明香港一國兩制成功實屬Bullshit，聽到「很不爽」咁話。